Un o gonglfeini athroniaeth Anturiaeth Dyffryn Aman yw sicrhau bod rhieni'n medru cael gofal plant fforddadwy ac o ansawdd gofal plant sy'n lleol ac yn diwallu anghenion y rhieni hynny sy'n derbyn hyfforddiant. 

Mae gennym gyfleusterau sy'n cynnig amgylchedd gofalgar ac ysgogol ar gyfer babanod hyd at blant 11 oed dan oruchwyliaeth ein tîm o staff profiadol iawn. 

Mae Lots of Tots, ein meithrinfa ddydd yn Nhairgwaith, yn agored bob dydd o 7:00 y bore tan 6:00 y nos i ofalu am blant o 6 wythnos oed hyd at 7 mlwydd oed. Mae'r cyfleuster yn cynnwys Cylch Meithrin hefyd, sef y cylch chwarae Cymraeg. Mae car cwmni yn casglu'r plant o'r ysgol neu o gartref, yn enwedig y plant hynny ag anghenion arbennig. 

Yng Nghanolfan Aman, Rhydaman, mae ein cynllun chwarae'r gwyliau, Gwyliau Hwylus, yn cynnig gofal chwarae strwythuredig i blant 4-11 oed yn ystod diwrnodau'r wythnos gwyliau ysgol o 8:30 am tan 5:30 pm. 

Mae ein clwb ar ôl ysgol, Clwb Hwyl a Sbri, sydd hefyd yng Nghanolfan Aman, yn gofalu am blant o 4-11 oed o 3:00 pm tan 6:00 pm. Mae'r plant yn cael eu codi o wyth o ysgolion lleol yn ein bws mini. 

Yr elfen allweddol o'r cychwyn o ran llwyddiant ein darpariaeth gofal plant yw partneriaeth â rhieni a'u cyfranogaeth ffyddlon. 

Mae enw da ADA fel darparwr gofal plant o'r radd flaenaf heb ei ail ac mae'r ffaith bod bron 200 o blant wedi'u cofrestru i ddefnyddio ein gwasanaethau yn profi hynny.